“الرياضية” غادي تنقل قرعة نهائي عصبة الأبطال وكأس “كاف” اليوم مع الستة ديال العشية

الكونفدرالية الإفريقية لكرة القدم غادي تشرف على عملية سحب القرعة ديال نهائي دوري الأبطال وكأس “كاف” اليوم الأربعاء مع الستة ديال العشبة في أحد فنادق القاهرة المطلة على أهرامات الجيزة.
العديد من القنوات الفضائية العربية غادي تنقل القرعة من بينها الرياضية، اللي غادي تنقل لمشاهديها مراسيم القرعة.
ويمثل المغرب في عصبة الابطال الإفريقية كل من الرجاء والوداد البيضاويين، وحسنية أكادير ونهضة بركان في كأس كاف.
وما بعيد يتلاقى الوداد والرجاء مع فراقي كبار فلافريك بحال الترجي التونسي ومازيمبي الكونگولي، ويقدر يتلقى الرجاء مع صان داونز أو النجم الساحلي أو مازيمبي الكونگولي.