خبار زوين للكازويين.. نفق “غاندي” غادي يحل هاد السيمانة قبل من الموعد الرسمي

من بعد 8 شهر على بداية الأشغال، نفق ”غاندي” في كازا وجد وولا جاهز باش يستقبل السيارات، والافتتاح غادي يكون نهار الخميس الجاي.
هاد المشروع كلف 140 مليون درهم وكيضمن بناء نفق تحت أرضي ذي مسارين في كل اتجاه على طول 460 متر، وإعادة تهيئة قارعة الطرق والأرصفة على مستوى السطح انطلاقا من شارع عبد الرحيم بوعبيد الى زنقة ناصح الدين (زنفة سقراط سابقا)، وذلك على طول مسافة كيلومتر واحد.
المدة الاجمالية لإنجاز المشروع كان تم تحديدها في 14 أشهر مع افتتاح النفق أمام حركة السير نهاية شهر فبراير 2020 وإنهاء أشغال التهيئة بالسطح منتصف سنة 2020، لكن باش مايبقاش الزحام وحركة السير تولي سلسلة تقرر يتفتح دابا.