عمر سليم: سيطايل مسؤولة علي غرق “دوزيم” اليوم وجزء من منظومة الزبونية اللي كتنخر لبلاد

الصحافي المعروف عمر سليم كلاشا سميرة سيطايل مديرة الاخبار السابقة ونائبة المدير العام المستقيلة. عمر سليم شد فيها وقال “غير طمئنوني راها ما ماتتش غير غادرات “دوزيم”.
سليم اكد ان سيطايل غادرات القناة فوقت حساس. حقاش “ما بغاتش تربط اسمها بغرق القناة” يعني ما بغاتش٬ حسب ما كتب الصحافي٬ تتحمل جزء من مسؤوليتها فما كتعيشو قناة طريق عين السبع فكازا.
وقال عمر سليم ان سيطايل مسؤولة على هاد الشي بحالها بحال باقي المسؤولين وانها جزء من منظومة الزبونية اللي كيتنخر البلاد وكتنتاشر فيه مستغربا كونها غادية تمشي ترجع للقراية ففرانسا واضاف “علاش بعدا. كان كان خاصها ترجع للقراية قبل ما توصل بديك الطريقة المثيرة لادارة الاخبار فدوزيم ومن بعد نائبة مدير القناة”.
البارح كان فيصل لعرايشي احد كبار المعمرين فالتلفزيون المغربي رئيس مجلس ادارة “صورياد دوزيم” بالاضافة الى الرئيس المدير العام للشركة الوطنية للاذاعة والتلفزيون٬ بالاضافة الى سليم الشيخ مدير “دوزيم” وصحافيي وتقنيي القناة قد نظمو البارح السبت حفلا ودعو فيه المرأة الحديدية فالقناة.