قضية حمزة مون بيبي.. سعيدة شرف ماغاديش تواجه الهاكر لي هددها بمحادثات كتمس وطنيتها.. وها علاش

كان من المقرر باش تواجه المغنية سعيدة شرف اليوم الثلاثاء، الهاكر لي يشتبه أنه كيسير واحد من حسابات “حمزة مون بيبي” المتخصصة في الابتزاز والسب والتشهير، لكن المواجهة مغاديش تكون.
وعلمت “كَود” أن المغنية في كلينيك في كازا بعدما ولدات البارح بنتها “ليليا” من راجلها المغربي لي مستقر في ميريكان.
وكيفما نشرنا في خبر البارح الاثنين، كان (أ.ع) أول الموقوفين على خلفية التحقيقات المنجزة في هذا الملف، بعدما حطات سعيدة شرف شكاية ضدو، شهر غشت لي فات، حيت هاجهمها "حمزة مون بيبي" بنشر تصاود ديال محادثات مفبركة كتمس بوطنيتها المغربية.