كاين لي باغي يزيد يغرق لدنيا باطمة الشقف فقضية “حمزة مون بيبي”. محاولات لإقناع رقية ماغي باش تدعيها فالمحكمة

نهار على نهار كيخرج الجديد في قضية المغنية دنيا باطمة لي ممنوعة من خروج المغرب ومتابعة في قضية حمزة مون بيبي في حالة سراح بعدما حطات فلوس صحيحة.
حاليا كاينين محاولات لإقناع المغنية رقية ماغي باش دير شكاية ضد باطمة لي عرضاتها للتهديد والسب والشتم.
والتبركَيكَة لي جابت “كَود” أن رقية عندها المحادثات والتسجيلات الصوتية، لكن هي رافضة الفكرة ومابغاش تزيد تغرق لدنيا الشقف.
وأكدات رقية في بوسط على انستكَرام نهار الاثنين أنها كتشفق على باطمة. ومعروف أنه كاين خلاف كبير بيناتهم سنوات هادي وكانت باطمة كتوصفها علنا بالمعاقة والعرجة.