دوسابر: غادي نلعبوا باش نربحو واتحاد العاصمة ما عندو ما يخسر

سيباستيان دوسابر، مدرب الوداد البيضاوي، أكد أن فريقه غادي يواجه اتحاد العاصمة الجزائري باش يربح في الماتش، اللي غادي يجمع الفريقين اليوم الجمعة بملعب مركب محمد الخامس في الدار البيضاء، برسم الجولة الخامسة من دور المجموعات لدوري أبطال إفريقيا لكرة القدم.
سيباستيان تكلم في تصريحات صحافية على صعوبة هاد الماتش، وگال أن اتحاد العاصمة ما عندو ما يخسر وغادي يحاول يقدم كل ما عندو، من هنا كتجي صعوبة الماتش.
واضاف سيباستيان أن الوداد ما غادبش يتنازل على ثلاثة ديال النقاط، خصوصا أن الماتش غادي بتلعب فالبلاد وقدام الجمهور.
المدرب الفرنسي زاد أكد بلي أنه واخا عاد جا للوداد، إلا أن كيطمح في أن يكون أول ظهور ديالو إيجابي، مشيرا إلى أن يتوفر على كل المعلومات عن الفريق الجزائري..
الوداد البيضاوي يحتل المركز الثاني في المجموعة الثالثة برصيد 6 ديال النقاط، وراء فريق صان داونز الجنوب إفريقي، اللي عندو 10 ديال النقاط.