رئيس كناريا كيضرب فوحدة التراب المغربي بسباب ترسيم الحدود: المغرب ماعندوش حق يرسم حدود ماشي ديالو

رئيس الحكومة المحلية لجهة كناريا أنخيل بيكتور توريس، صعد من لغة الهجوم على المغرب بسباب مشروعي قانون ترسيم الحدود البحرية.
توريس قال لموقع “ال دياريو”، أن الحدود البحرية لي باغي يرسمها المغرب ماشي ديالو ولكن ديال الصحراء، مؤكدا أن المغرب غايدخل فالمياه البحرية ديال كنارياس بهاد الطريقة.
وزاد توريس لذات الموقع أن المغرب واخا دار هاد جوج دالقوانين، راه ماعندوش الدعم الدولي باش ينفذهوم، ديكشي علاش ماغايقدرش يطبقهوم على أرض الواقع، وبعد هاد الكي كولو زاد توريس ورجع كيبخ على الكية وقال، أنه كايشوف بأن الطريق الوحيد لحل هاد الأزمة هو الطريق الدبلوماسي!.