راجل قنصلة المغرب فالباسك. كيفاش البوليساريو دخلات فقضية عائلية. عذباتو وواجهها وباش مات بغات توظفو

البوليساريو مدخلة راسها فكلشي. بوقاحة عذبات سيد احمد ولد حمد ولد لعروصي٬ اول تقني بالاذاعة والتلفزيون الاسباني بالعيون. هاد المواطن تعرض لشتى انواع التعذيب والتنكيل باش مشى للبوليساريو بدون ارادتو.
الراحل هو زوج فتيحة الكموري قنصلة المغرب بمنطقة الباسك. دوز الحبس والتعذيب عند البوليساريو. هرب ومشى لهولندا وبدا معارضتو للجبهة. فضحها وشوهها.
من بعد رجع عائد للمغرب. كانت صحتو كلات العصا بسباب سنوات التعذيب.
ما كانش كيظن هاد المحارب باللي قصتو بعد وفاتو غادية تستغلها البوليساريو. ناضو شي انفصاليين من عائلتو كيزايدو عليه وباغيين يستغلوه فمعارك اكيد كان غادي يرفضها.