كركاش رسميا ودادي لمدة 3 سنوات ونصف

سفيان كركاش، لاعب نهضة بركان ومولودية وجدة سابقا، تعاقد رسميا مع الود البيضاوي البارح فالليل في إحدى فنادق الدار البيضاء.
وحضر حفل التوقيع سعيد الناصيري، رئيس الوداد البيضاوي وعزيزي كركاش، والد اللاعب سفيان، ومدة العقد فيها 3 سنوات ونصف.
وبدأ سفيان كركاش لونتيرمو مع الفريق اليوم الاثنين، ويقدر يلعب الماتش جاي فالبطولة، في الوقت لي ما يمكنش ليه يلعب ماتشات ديال شامبيون سليگ، لحقاش فات ليه لعب مع بركان فمسابقة كأس كاف.
وسبق لسفيان كركاش لعب مع مولودية وجدة العام لي فات، وفاز بجائزة أفضل لاعب واعد فالبطولة، كما سبق ليه لعب مع المنتخب الأولمبي مع مارك ووت.
كركاش لعب كذلك مع المنتخب البلجيكي أقل من 17 سنة، فاش كان فكلوب بروج، وهو رابع لاعب كيوقع رسميا مع الوداد بعد المهاجم الكونغولي كازدي كاسونغو والحارس عيسى السيودي و الظهير الأيمن يوسف شينا.