الدموع هاهما والاعتذار فيناهو.. ناهد رشاد كتبكي باش توضح هدرتها الميزوجين وتقليلها من قيمة المرا – فيديو

الكوتش ناهد رشاد خرجات في حوارات كتوضح فيهم أنها ماشي ضد المرا ومكانش الهدف ديالها التقليل من النساء بعدما شبهاتهم بالبرطمات ديال الكرا والفيلات ديال الشرا، وأن الحملة لي ناضت عليها ماتستاحقهاش.
وخلال حوارها مع “هيت راديو” بكات نهاد ودوات على قصتها بعدما كانت مطلقة لمدة 18 العام واضطرات تبقى بوحدها مع ولدها وجربات بزاف ديال الأمور وفي الأخير لقات أن الكوتشينكَ هو الحل وهو لي ساعدها في حياتها.
وقالت ناهد أن ربما التشبيه ماكانش في محلو ولكن مايمكنش الناس يحاسبوها على نيتها، وأنها ديما مع المرا وغادي تبقى مع المرا.
ان هاد الكوتش تكون مع المرا بالنسبة ليلها شكل، وانها واخا تكون معها تبغي تقوقعها فدور تقليدي فات عليه الفوت شكل اخر.
فالتالي كيبان ان نهاد وتفكيرها القروسطي ماعمرهم ماغادي يتبدلو، وللاسف غادي تبقى كتقيا نصائحها على المغربيات.