مطايفة بين البوليس وجمهور الجيش..7 تشدوا وغادي يتقدموا غدا – فيديو

مطايفة وقعات البارح السبت بين جمهور الجيش والبوليس برا التيران ديال المجمع الرياضي الأمير مولاي عبد الله في الرباط، لي احتضن ماتش الجيش ونهضة بركان برسم الدورة العاشرة من منافسات البطولة الاحترافية.
الشغب بدأ قبل الماتش وتواصل برا من الملعب، بعد دخول مشجعين والبوليس في مواجهات استعملت فيها الحجر، وشهدت عملية الكر والفر.
هنا مكاينش لمصان و لكابة هنا كاين لعنف من احل الكرامة لا غير Curva ché ????????????
Publiée par حسن الباحث sur Samedi 21 décembre 2019
وفي الاخير شد البوليس سبعة ديال المشجعين وداوهوم الكوميسارية ديال حي يعقوب المنصور، على اساس يتقدموا غدا الاثنين غند وكيل الملك بالمحكمة الابتدائية بالرباط باش يستنطقوهم على التهم الموجهة إليهم.
الجمهور العسكري دخل في مناوشات مع البوليس قبل الماتس، بعدما رفضت الفصائل المشجعة إبلاغ البوليس بمضمون التيفو، زيد على ذلك استعمال الشهب الاصطناعية فالماتش.
https://www.facebook.com/369943346455729/posts/2679041542212553?vh=e&d=n&sfns=mo
وما شي أول مرة، لي كايدخل فيها جمهور الملاعب في مواجهات عنيفة مع البوليس فالماتشات ديال البطولة، إذ سبق لمثل هذه الأحداث اللارياصية أن وقعات مرات ومرات.