ممنوع الشطيح والتصوير.. جمهور سعد لمجرد فالسعودية خاصو يكَلس بحالا حاضر للمسمعات

اليوم هو اليوم المنتظر ديال المغني سعد لمجرد لي غادي يعرف فيه واش الحفل في السعودية غادي يكون “ربحة ولا ذبحة”، يعني يا ناجح يا فاشل.
جمهور المغني لي غادي يدير أول حفل ليه من بعد قضايا الاتهام بالاغتصاب ومن بعد التعنيف الجنسي، لي مازالين قدام القضاء في فرنسا، خاصهم مايشطحوش ومايصوروش. يعني الحفل واخا كامل موسيقى باغين هاد المسؤولين يرجعوه بحال حفل ديال المسمعات لي كيكون بالمديح والعيالات كيحركو كتافهم وصافي.
وواخا الجدل وحملة المنع لي ناضت عليه في تويتر وبعض المغردين وصفوه ب”المغتصب المقزز”، إلا أن تذاكر لمجرد تباعت والحفل غادي يدوز بشبابيك مغلقة.