اوشن باغي برتقيزي للمنتخب وجرب إسباني ومدربون مغاربة كيتسناو

روبيرت اوشن، المدرب التقني للجامعة عيط على مدرب برتقيزي باش يخضعو حتا هو للاختبارات التقنية والتطبيقية، من أجل تعيينه مدربا لإحدى المنتخبات الصغرى.
المدرب البرتغالي سميتو ريكاردو جا للرباط ودار تيست بحضور مواطنه جواو، وما شي بعيد يعينو اوشن مدرب.
هاد المدرب البرتغالي ما شي بوحدو، لي عيط ليه المدير التقني للجامعة على ود الاختبارات، عيط حتا للمدرب إسباني، لي خضع كذلك للاختبارات التقنية والتطبيقية، باش يكون حتا هو يدرب شي منتخب من المنتخبات الصغرى.
المدربون المغاربة من نهار الاثنين وهما كيدوزوا الاختبارات تحت إشراف المدير التقني للجامعة باش يدربوا إحدى منتخبات أقل من 15 و17 و19 و23 سنة.
وباب الاختبارات مازال مفتوح لحقاش كاين بزاف ديال المدربين المغاربة، لي كيستناو دورهم، خصوصا أن المدير التقني للجامعة سبق ليه أن أكد في ندوة الصحافية أن الأولوية غادي تعطى الأطر المغربية.