من بعد 49 عام.. راجل لقا خاتم كان توضر ليه بفضل فايسبوك

شاب كيسكن في ولاية فلوريدا توضر ليه الخاتم ديالو في حفل التخرج ديالو ولقاه من بعد 49 عام.
المريكاني لي سميتو كينيث بورد كمل قرايتو فمدرسة أوبورنديل الثانوية عام 1970، وفي حفل التخرج طاح ليه خاتمو في الرملة، ولأنه عزيز عليه شرا بحالو من بعد عام.
الصدف غادي تخلي السيد يلقى الخاتم ديالو بعد 49 عام، فاش لقاه الباحث عن الكنوز جيري بوب في شاطئ ملبورن ومسحو ونقاه وحطو في فايسبوك، وبورد لقاو ودابا غادي يمشي ياخدو.
وكتب بوب “بغيت نشوف خاتمي ونعرف واش غادي يدخل فصبعي.. وحتى الا كان صغير هانية، المهم نبقى هازو معايا”.