“البلاك فرايداي” بدا فالمغرب.. ها كيفاش بدات “الجمعة السوداء” وعلاش اختارو هاد الإسم؟

غير كيقرب يدخل ديسمبر كيبداو تخفيضات وكلشي باغي يدير “الجمعة سوداء” او”بلاك فرايداي” باش يدخل الفلوس والناس يشريو الهميزات بثمن أقل، لكن كيفاش بدات هاد القصة كاملة؟
بداية حكاية “الجمعة السوداء” كانت بأزمة اقتصادية ضخمة ملي شرا خبيرا المال الأمريكيان جيم فيسك وجاي گولد كمية كبيرة من الذهب طامعين في تحقيق أرباح ضخمة من خلال بيع الذهب في وقت لاحق ملي يغلا، كيفما نقل موقع “ديلي تلگراف”.
وفي 24 دجنبر 1869 سوق الذهب في ميريكان طاح وهاد النهار كان الجمعة والخبيران فيسك وجاي ضرباتهم الزلطة وگلسو على الضس.
وداك الوقت كان كولشي كيتكتب باليد وكانو الأرباح كتكتب بالكحل، والخسائر باللون الأحمر. وجات تسمية “بلاك فرايداي” باش يبينو الأرباح لي كتحقق الشركات بسبب التخفيض والاقبال لي كيكون كبير بزاف.
هاد ظاهرة التسوق لي كتكون مورا عيد الشكر بدات هادي 20 عام، ومبقاتش دابة غير في ميريكان لكن العالم كامل، وحتى المغرب.