الجزء الثاني ديال “البرتقالة المرة” منوض الشياط بين الممثليين والمخرجة والجمهور.. وگود جابت الخبار الصحيح

بوسط في انستكرام نوض الشياط بين الممثلين والمنتجين ومخرجة فيلم “البرتقالة المرة”.
الممثل يونس الجندي حط صورة في الستوري ديال انستگرام من عمل كيتورني فيه دابا، والممثلة لي معاه كتبات عليهم “البرتقالة المرة” وهادشي أطلق العنان لمخيلة بزاف ديال الناس وقالو أن الجزء الثاني غادي يخرج في رمضان يمكن.
مصدر “كود” أكد أن هاد الهضرة ماكايناش كاع، وأن الخبر انتشر في الصفحات وبعض المواقع بلاما يتأكدو، وأن المخرجة ديالو بشرى ايجورك كاينة حاليا في دبي ومعندهاش خبر على الموضوع بشكل قطعي.
ودارت ايجورك بوسط كتهم فيه الناس بدون ذكرهم بسرقة الفيلم ديالها. وكتبات “واش تسناوني حتى نسافر باش يشفروني”.
البرتقالة المرة” هو فيلم تلفزيوني داز أول مرة في رمضان 2007 من بطولة هدى الريحاني، يوسف الجندي، عبد الله العمراني، فضيلة بن موسى وريم شماعو، وكيحكي القصة ديال بنت كانت كتبغي شرطي ولكن تزوج بغيرها وهي تحماق.