سخونية الراس.. جبران بزق على لاربيط وعقوبة قاصحة كتسناه

يحيى جبران لاعب الوداد البيضاء نايض النحل عليه، بعدما بزق على الحكم الداكي رداد ف الماتش ديال الوداد ونهضة بركان البارح الأحد بملعب مركب محمد الخامس في الدار البيضاء برسم مؤجل الدورة الخامسة من منافسات البطولة.
بسباب سخونية الراس، جبران مهدد باش يتوقع على الأقل 4 ديال الماتشات عن مباريات فريقه الوداد في البطولة.
اللجنة المركزية للتأذيب غادي تجتمع غدا الثلاثاء باش تنظر في سلوكه الصبياني، ولي بعيد على الروح الرياضية، وتلقى على إثر ذلك الورقة الحمرا
اللجنة التأديبية غادي تبني قرار التوقيف على تقرير الحكم رداد وكذلك بالعودة إلى فيديو الماتش باش تأكد من هاد السلوك، لي ما كايليقش بلاعب دولي.
جبران التحق بالمنتخب الوطني اليوم بعدما وجه ليه الدعوة المدرب وحيد خاليلوزيتش وما شي بعيد يلعب الماتشات ديال موريتانيا وبوروندي.