مصدر ل”كود”: المغرب غير معني بقرار تركيا ترحيل الدواعش

قال مصدر ل”كود” ان المغرب ما معنيش بقرار الحكومة التركية القاضي بترحيل عناصر من تنظيم داعش الى بلدانهم. يعني ان حتي شي داعشي من اللي شاركو سنوات فحروب داعش فسوريا والعراق وعندو باسبور مغربي ما غادي يرجع غدا الاثنين.
الحكومة التركية كانت اعلنت قبل يومين انها ستبدأ بترحيل دواعش اجانب الى بلدانهم. وزير الداخلية التركية فرش دولا غربية باش قال باللي ما باغياش ترجع مواطنيها= الدواعش=
تركيا تقصد الاوربيين بهاد القرار يشرح مصدر “كود”. انقرة قالت باللي غادية ترسل الدواعش المتشددين لبلادهم واخا يسقطو عليهم الجنسية
تركيا لحد الان ما قالتش اش نا هي جنسية هاد الدواعش المتشددين. وكار طيب رجب اردوغان رئيس تركيا اعلن لخميس اللي فات ان حباسات بلادو فيها 1149 داعشي فيهم 737 اجانب