الروينة ف ميدلت.. كسيدة بين فرنسية ومريكاني خرجات العامل ومسؤولين كبار من المكاتب ديالهم

الروينة طرات هاذ الصباح فميدلت بعدما وقعات كسيدة بالفيراجات ديال منطقة ايتزر.. كسيدة كانت تكون عادية و كانت السلطات تعامل معها بشكل عادي لولا أن طرفاها ماشي مواطنين عاديين، حيث يتعلق الامر بفرنسية كانت سايگة طوموبيلتها بسرعة كبيرة و ما انتبهاتش للأمريكي اللي كان قاطع الطريق على رجليه و هي تدخل فيه و تسببت ليه ف جروح بليغة.
و فور علمهم بالحادث و الجنسيات اللي متورطة فيه، شعلات العافية ف المسؤولين الترابيين و الامنيين ديال ميدلت و على راسهم عامل الاقليم اللي مشا تايجري هو و الكاتب العام ديال العمالة و الشاف ديال قسم الشؤون الداخلية، و معهم القائد الاقليمي ديال الجدارمية و مندوب الصحة باش يطمئنوا على حالة المصاب.