بلهندة غادي يمشي للشينوا.. واش غادي تكفيه 7 ملايين أورو

يونس بلهندة، لاعب المنتخب المغربي وغلطة سراي التركي بدا كيقرب من الاحتراف بالشينوا ف الميركاتو الشتوي.
الصحافة التركية گالت بلي بلهندة قريب يمشي بحالو، بعدما دخل فريق عريق بالصين على خط التعاقد مع اللاعب المغربي.
غلطة سراي التركي توصل بعرض رسمي قيمتو 7 ملايير أورو، مقابل تسريح بلهندة. ومن المتوقع أن تتم الصفقة ف الأيام القليلة القادمة، حسب العديد من الصحف التركية.
الفريق التركي، لي مشى ليه بلهندة ف 2017، وفاز معاه بلقبيْن، هنا”الدوري التركي” “كأس تركيا”، باغي يتخلص منو، بسبب مشاكله مع الجمهور في الفترة السابقة.
واخا فاتح تيريم، مدرب غلطة سراي متمسك بيه وعزيز عليه بزاف، إلا أن إدارة الفريق باغية تبيعو، لحقاش الثمن لي تعطا مهم بالنسبة ليها. لكن مازال ماعرفتش واش باغي بلهندة، أو خاص يكون مبلغ كبير باش ترتفع قيمتو اكثر، خصوصا أنه دابا كيشد حوالي 3 ملايين أورو سنويا.