الوداد باغي يربح الرجا بستيلو… واش الاعتراض غادي يشد

الوداد البيضاوي قدم اعتراض على الرجاء، بعد الديربي، لي جمعهما البارح السبت بملعب مركب محمد الخامس في الدار البيضاء برسم ذهاب ثمن نهائي كأس محمد السادس للأندية الأبطال.
الوداد اعترض على مشاركة اللاعب الكونغولي بين مالانگو، على ود أنه غير مؤهل للعب مسابقة البطولة العربية.
الرجاء ما صوقش لهاد الاعتراض ومعطاهش حتا أهمية، واعتبرو خاوي، لأن اللاعب موضوع النزاع مؤهل باش يلعب هاد الماتش.
مصادر “كود” أكدت بلي الوداد باغي يدير الضغط على الرجاء باش يبرزط اللعابة ديالو قبل ماتش الروتور، لي غادي يكون ف 23 نونبر الجاي، ف الوقت لي أكدت فيه مصادر أخرى أن هاد الاعتراض يقدر يشد.
الرجاء والوداد تعادلو البارح السبت بواحد لواحد، والتأهل غادي يتحسم في الماتش ديال الروتور.