منتخب عموتة غادي يلعب مع الطوگو وغينيا

المنتخب المحلي غادي يلعب جوج الماتشات في نونبر المقبل، كونتر الطوگو في 15 نونبر وغينيا نهار 19.
الجامعة الملكية المغربية لكرة القدم كشفت عن برنامج المنتخب المحلي، وأكدت ف بلاغ على موقعها الإلكتروني أن المنتخب المغربي غادي يلعب كونتر الطوگو نهار 15 نونبر في الطوگو وغينيا في 19 في المغرب.
وكشفت أن المباراتين الوديتين تندرجان ضمن استعدادات المنتخب المحلي لنهائيات كأس إفريقيا للمحليين، لي غادي تنظم في الكامرون 2020.
الحسين عموتة غادي يستغل الماتشات بجوج باش يشوف لعابة اخرين، لحقاش باغي يكون فكرة على جميع اللعابة ديال البطولة، قبل اختيار اللائحة النهائية، لي غادي يسافر بها الكامرون.
المنتخب المحلي، لي تأهل على حساب الجزائر، بعد الفوز عليه بثلاثة لزيرو ف بركان نهار السبت لي فات، غادي يمشي الكامرون باش يدافع على اللقب ديالو، لي فاز تحت قيادة المدرب الوطني جمال السلامي في 2018.