الرابور طوطو كيوجد الجديد.. والتورناج ديال الكليب فكازا مع عشرانو فابور

الرابور “إل گراندي طوطو” كيوجد الجديد.
مول أغنية “جمع وطوي” غادي يطلق أغنية جديدة غادي تكون مصورة على طريقة الفيديو كليب.
نهار الخميس طوطو شد الطريق من مراكش لكازا باش يحضر للتورناج.
وقبل ما يبدا بساعات من تورناج حط بوسط في انستكرام باش يجمع لي كيبانو في الكليب وماخلص لا ريال لا جوج.
منها شاف صحابو ومنها وفر فلوس الممثلين، وطلع الاغنية فابور.