افريقيا طلقات “1000 فكرة” لخلق “1000 مقاولة” و”سبرينت 50″. التمويل يقدر يوصل حتى ل20 مليون

اطلقت “افريقيا برنامجها للتكوين والتمويل والمواكبة اطلقت عليه “1000 فكرة” لخلق “1000 مقاولة”. المبادرة بدأت بفترة تجريبية خلقات 30 مشروع تجريبي.هاد المبادرة وفق “افريقيا”٬ مفتوحة في كل مغربي عندو فكرة مقاولة. فكرة معقولة وتقدر طبقها وصافي. الديبلوم ماشي مهم. التجربة حتى هي. ومفتوحة فوجه كاع لمغاربة ف12 جهة مغربية.فهاد المبادرة تأسست مؤسسة اسمها “معاك” وهي اللي تشرف على هاد المباردة بشراكة مع مؤسسة بريطانية “بوب اب بيزنس سكول” والمغربيتين “ام سي اي اس أوه” و”بداية”.
اللي تقبل كدربو المؤسسة البريطانية فمعسكر جوج سيمانات وكيوجدوه لكلشي من بعد كيجيو المؤسسات المغربية وكياخدو اليد باش يزيدو يوجدو صحاب المشاريع لمدة 4 اشهر. كاع صحاب المشاريع يمكن ليهم يجيو لقهاوي “وازيس” بمحطات افريقيا. هنا عندهم باش يخدمو ويتلاقاو كل مشروع ممكن يستافد من منح وقروض بلا فائدة توصل حتى لعشرين مليون
كما طلقات افريقيا برنامج سماتو “سبيرنت 50” موجه للشركات المغربية الناشئة اللي عندها افكار مبتكرة وامكانيات نمو وطنيا ودوليا. هادي خاصها تكون بدات وخدامة وفيها الضو
موقع «www.1000fikra.com» سيتم إنشاء مركز للتواصل للإجابة على أسئلة المرشحين.