الزفزافي ولى البغدادي وباغي يحول الحسيمة للرقة وخان قسمو امام سكان الريف

ناصر الزفزافي قودها اليوم مزيان. فات كاع الحدود اللي مرتبطة بحرية التعبير. قائد حراك الريف دخل للمحرم وفق منطقه وتفكيره وخارج القانون وفق منطق الدولة الحديث. السيد دار اليوم ما دار البغدادي واحد النهار فالموصل والرقة.
السيد وظف نفس الخطاب واخا ببلادة ولكن نفس الحقل الديني. كيستشهد بابو بكر الصديق ووووو علاش هاد الشي باش يبرر هجومو على امام فمسجد يوم الجمعة.
هاد الشي اللي دارو بغدادي الحسيمة كيبين باللي مخططو واضح هو يرجع الحسيمة بحال الرقة. شكون غادي يستافد من هاد الوضع. الفكر الداعشي وتجار المخدرات.
الزفزافي تصطى وخان القسم اللي هو كان كيخلي اللي كيشارك فالوفقات والتجمعات يرددوه. خان الريف لانو ساء لقضية عادلة. قضية سكان منطقة باغية العيش الكريم وورطهم فحمقاتو