عمر لحلو: هادوك التوصيات دالمجلس الاداري لصندوق التجهيز الجماعي بللوه وشربوه وانا نجيب اللي بغيت

ياك رئيس الدولة قال فخطابو خاص الكفاءة. خاص اللي يهز المغرب ويحقق النمو اللي كيكفل للمغربي العيش الكريم. هاد الشي خاص الدولة تبدا من راسها. من رجالاتها. فين ما مشيتي تلقى نماذج كتعارض مع هاد الخطاب.
فصندوق التجهيز الجماعي غير معني من هاد النماذج. مسيرو عمر لحلو بطريقة كلشي عارفها مقودة وكلشي ساكت.
ف2017 بدا ها الصندوق فاعداد دراسة سماه مخطط التنمية الاستراتيجية. كلف 4 مليون درهم والمارشي مشى لمكتب الاستشارة « “Pricewaterhaouse & Cooper ». علاش هاد المكتب واش الافادة كاع من دراسات بحال هاد التخربيق. سولو لحلو.
دابا هاد الصندوق كيعرف اش محتاجة المدن والجهات والجماعات الفقيرة. عندو خبرة فمواكبة مشاريعها التقنية والمالية. وعلاش هاد الزمر الدراسات كاع. غير خسران لفلوس وصافي
دابا لفضيحة هادي عامين والسي لحلو مازال ما قال لينا والو على هاد الدراسة. ياك قال لينا هدفها «إعداد مشروع قانون منظم وتصميم إطار عملي جديد لمواكبة الجهات والمدن الكبرى والجماعات ذات الإمكانيات المحدودة »
هاد الدراسة راها غير مضيعة للفلوس. شكل من اشكال الفساد المالي. لوزيعة وصافي. عطيني نعطيك. يرقي صحابو. يدير درسات ما صالحين لوالو. اش هاد الشي.
دابا كاينة توصيات كتقول خاص اشراك كلشي المعنيين باش يوجدو المخطط الاستراتيجي وكان لحلو كيقول لكلشي سيرو تلعبو. انا بوحدي مضوي لبلاد بزز منكم