المحمدي ل”كود”: غادي نكونوا مزيانين نهار موريتانيا

رغم الهزيمة غير المنتظرة، ديال المنتخب المغربي أمام نظيره الگابوني بثلاثة لجوج بملعب طنجة البارح الثلاثاء، إلا أن الحارس منير المحمدي عندو رأي مغاير.
وقال المحمدي، حارس مالگا الإسباني والمنتخب الوطني في تصريح ل”كود”، إن الماتش ديال الگابون كان صعيب عكس ما اعتقده كثيرون، مشيرا إلى أن المنتخب وجد صعوبة فالحد من خطورة المهاجمين الگابونيين، لي كايعتمدوا على لكونتر.
وأكد المحمدي الانتشار الجيد للاعبين الگابونيين خلق للمنتخب المغربي العديد من المشاكل.
ودعا الحارس المحمدي إلى نسيان هاد الماتش والتفكير في المباريات القادمة “هاد الماتش هو للتحضير والاستعداد وخلق الانسجام للمباريات جاية، خصوصا في الإقصائيات الإفريقية المؤهلة إلى نهائيات كأس إفريقيا للأمم 2021”.
وأكد المحمدي أن المنتخب المغربي غادي يكون في اتم جاهزيته لماتش موريتانيا نهار 15 نونبر المقبل “غادي نكونوا مزيانين في هاد الماتش خاصنا نكونوا مركزين بزاف باش نربحوا في أول ماتش ديالنا في الإقصائيات”.