فضال: خاصانا الخدمة والمدرب عارف هادشي.. المحمدي: الجمهور كان فنهارو

زهير فضال، مدافع المنتخب المغربي ومدافع بتيس الإسباني، ما عجبوش التعادل مع ليبيا بواحد لواحد فالملعب الشرفي في وجدة في إطار الاستحقاقات القادمة.
فضال ملعبش هاد الماتش وربما خلاه وحيد خاليلوزيتش لماتش ديال الگابون نهار الثلاثاء جاي في ملعب طنجة.
فضال شكر الجمهور الوجدي على حضورو الكبير لماتش ليبيا وعبر عن أسفه لعدم تحقيق الفوز.
وقال ان المنتخب مازال خاصو الخدمة باش يرجع مزيان والمدرب خاليلوزيتش عارف هادشي. وأضاف أن المنتخب غادي يكون في مستوى تطلعات الجمهور مستقبلا.
أما منير المحمدي، حارس المنتخب المغربي ومالقا الإسباني، فأكد أن الجمهور كان في نهارو “الجمهور حضر بكثرة وشجعنا بزاف ونتاسف لعدم تحقيق نتيجة إيجابية باش نفرحوه”.
منير المحمدي غادي يكون حاضر فماتش ديال الگابون نهار الثلاثاء ويقدر يرجع هو الحارس الرسمي للمنتخب المغربي، خصوصا بعد تراجع مستواه فالماتشات الأخيرة.