13 العام ديال الحبس ضد خليجي طلق كلب “بيتبول” على البوليس

محكمة الفجيرة في الامارات ضربات خليجي ب13 العام ديال الحبس وغرامة 50 الف درهم بعدما طلق كلب مفترس “بيتبول” على البوليس لي كانو باغين يشدوه.
الخليجي صدرات في حقو مذكرة تفتيش الدار ديالو لأنه مشكوك عندو الحشيش، لكن السيد بمجرد دخلو البوليس طلق عليهم الكلب وهو هرب.
عطاوه 5 تهم منها “حيازة المخدرات، تعاطي المخدرات، حيازة حيوان مفترس، الاعتداء على رجال الأمن”.
والنيابة العامة طلبات في الأول بسجنو 10 سنين، لكن الحكم النهائي كان هو 13 العام ونقصو ليه من الغرامة لي خاص يخلص وردوها 20 ألف درهم.