من البكا قلبوها ضحك.. گنازة استثنائية بعد سماع صوت الميت من قبرو- فيديو

كنازة في ايرلندا تحديدا في مقاطعة كيلكيني تقلبات من الدموع والبكا للضحك والتريكيل.
الناس وبعدما دفنو شاي برادلي لي كان محارب قديم في القوات المسلحة الإيرلندية، نزلو القبر للارض، لكن شوية بداو كيسمعو صوت خارج من وسط الحفرة كيقول “الله ينعلكم، خرجوني من هنا، اش هاد ظلام”.. هادشي خلا الحضور لي كانو بالعشرات يتصدمو قبل ما يكتشفو أن الأمر يتعلق بأغنية مشهورة بعنوان “عيطت ليكم باش نودعكم”.
وقالت ابنة برادلي أن باباها قبل ما يموت سجل الأغنية بصوتو، وملي دفنوه عاودو خدمو التسجيل وهادشي خلا الناس يتصدمو في الأول لكن من بعد شبعو ضحك. وقالت “غادي يكون فرحان بزاف ملي يعرف شحال الناس ضحكات”.
وتم نشر فيديو الكنازة في موقع المحاربين القدامى ففايسبوك، وبزاف ديال الناس ضحكو على القصة.