كانيي ويست مابغاش مراتو كيم كاردشيان تلبس سيكسي.. وهي دارت لي فراسها – تصاور

كشفات نجمة تلفزيون الواقع كيم كاردشيان في حلقة جديدة من حلقات برنامجها “keeping up with kardishians” أن راجلها الرابور كانيي ويست معجباتوش الكسوة لي اختارت تلبس في حفل “ميت كَالا”، ولكن هي في الأخير لبساتها ودارت لي قال ليها راسها.
كانيي قال في الحلقة أن الكسوة سيكسي كثر من القياس “كنشوف ديما الراقصات عريانات، وكنقول مع راسي حتى مراتي كتبين جسدها بحالهم”.
وأضاف الرابور أن تصاور مراتو سيكسي كيأثرو عليه وعلى الروح ديالو، وهادشي لي خلا كيم تحس بالندامة لكن متراجعاتش على اللوك لي اختارت، خصوصا أن الكسوة تطلب منها 8 اشهر ديال التحضير.

وبانت كيم سيسكي فكسوة في لون اللحم من تصميم thierry mugler وبانت بحال إلى يالله خارجة من تحت الدوش، وشعرها بحالا فازك، وكانت اطلالتها فالمستوى ودواو عليها بزاف ديال الناس خلال الحفل وبعدو.