ملكة جمال روسيا وطليقة ملك ماليزيا ولات مزلوطة وباعت خاتم زواجها بوالو باش تعيش

قصة ملك ماليزيا السابق محمد الخامس وطليقتو ملكة جمال روسيا أوكسانا فوفودينا مازال كتصدم العالم.
أوكسانا كشفات لصيحفة “ديلي ملي” أنها باعت خاتم الزواج بعدما لقات راسها بلا فلوس وكان خاصها تخلص كلينيك في سويسرا لي تبعات فيه علاجها ملي كانت حاملة بولدها لي نكرو الملك ومابغاش يعترف به.
ومبغاتش طليقة ملك ماليزيا السابق تقول ثمن البيع لكن أكدات أنه أقل 3 ديال المرات من الثمن الحقيقي.
وكان زواج ملكة الجمال ومحمد الخامس دار البوز، لكن النهاية كانت مؤسفة بعدما تخلا عليها الملك السابق هي ولدها، وقالت أنها عرفات خبر طلاقها غير من الانترنت.