هادشي كيخلع.. كلاب كلاو مولاتهم بعدما سمعوها مضاربة مع بنتها

جوج ديال الكلاب من فصيلة “بول دوگ” كلاو مرا كانت كتربيهم بعدما سمعوها مضاربة مع بنتها.
صحيفة “ذا صن”، قالت أن المرا لي عندها 43 عام سمعوها الجيران كتغوت وحاولو يعتقوها وضربو الكلاب بالحجر باش يخلعوهم لكن والو مطلقوها حتى خرجو روحها.
بيف هول وهو واحد من الجيران لي حاولو يعتقو السيدة، قال “الكلب DJ كان فرحان وهو كياكل فيها”.
الحادث المأساوي صدم الناس، والبوليس جاو وقتلو الكلاب بالقرطاس.