وجادة وبراكنة دايرين حملة باش يجيبو المنتخب للشرق

رواد مواقع التواصل الاجتماعي دايرين حملة هاد ليامات باش يتلعب الماتش ديال المنتخب المغربي في الجهة الشرقية.
وجادة وبراكنة منسقين بعضيتهم، وباغيين يجيبو المنتخب الأول، باش يلعب الماتشات ديال ليبيا والغابون فالشرق هاد المرة. حتا هما بغاو يفرحو بالمنتخب ديالهم.
الجماهير، لي فوجدة وبركان كتطالب من فوزي لقجع، رئيس الجامعة باش يبرمج الماتشات بجوج في الشرق. علاش لا، حتا هاد المنطقة من حقها تحتضن اللعابة ديال المنتخب، ما شي كل مرة فمراكش ولا الدار البيضاء. المنتخب فملك جميع المغاربة ومن الجمهور في أي مكان يتفرج فيه.
تدوينات كثيرة فالفايسبوك البارح واليوم، كتطالب ببرمجة المباراة فالشرق، الشيء لي وضع رئيس الجامعة امام خيار الاستجابة إلى طلب الجمهور، خصوصا أن الملعب، لا ديال وجدة، ولا ديال بركان كتوفر فيهم بجوج جميع الشروط والمعايير، خاص غير رئيس الجامعة يلبي طلب الناس ديال الشرق، لي بغاو يفرحو مع منتخبهم الوطني. صافي هادشي لي بغاو أسي لقجع.