اش هاد التخربيق. عارف مدير مكتب “لاماب” فواشنطن سابقا خلى الخدمة ورجع يكون “اجون” فسفارتنا فميريكان

اش هاد التخربيق. كيفاش مدير مكتب وكالة المغرب العربي للانباء سابقا فواشنطن فؤاد عارف ما رضاش باش حيداتو الادارة المركزية ودخلاتو للرباط ودارت واحد اخر فبلاصتو٬ هاد خينا تحدى كلشي وطلب ميزاديسبونيبيليتي من ادارتو عامين باش يخدم “عميل” ماشي اللي علي بالكم بالفرانساوية كيسميوه “اجون”٬ فسفارة المغرب فواشنطن وفق مصدر “كود”.
دابا كيفاش واحد كان مدير وقبل يكون موظف بسيط. ديگرادا وصافي. ثم كيفاش صحافي فوكالة رسمية كيولي فالسفارة. راه شوهة للبلاد وغادي يضر بجميع الصحافيين فلاماب. غاديين يتاهموهم باللي دايرين الخدمة غير تغطية لامور اخرى،
دابا هاد الدولة واش كتفهم. علاش ما حتارموش قرارات الادارة العامة المركزية. علاش دارو الخاطر لهاد بنادم. رئيس الدولة كيكول هدرة وشي وحدين كيديرو العكس