المنتخب المحلي وصل للجزائر وعموتة كتجسس عليه الصحافة – تصاور

المنتخب المحلي وصل لمطار هواري بومدين اليوم الخميس، بعد رحلة جوية عادية من مطار محمد الخامس في الدار البيضاء.
المنتخب المحلي سافر للجزائر دون لاعبيه ايوب الكعبي ومحمد بنحليب، لي تعذر عليهم يرافقو زملائهم، بسبب الإصابة.
عموتة غادي يدرب فالجزائر جوج المرات، واحدة باش يحيد العياء، والثانية غادي تكون فملعب مصطفى الشاكر بالبليدة.
الصحافة ديال الجزائر كتجسس على المدرب الحسين عموتة واللاعبين وبدات كتسول على مقر إقامة المنتخب وموعد التداريب ديالو باش يشوفو الطريقة، لي غادي يلعب بها نهار الماتش نهار السبت المقبل، ضمن ذهاب الإقصائيات الإفريقية المؤهلة إلى نهائيات كأس أمم إفريقيا بإثيوبيا 2020.
مصادر “كود” أكدت أن عموتة ما غاديش يسمح للصحافيين باش يتابعوا الحصة التدريبية لي غادي تكون غدا، حفاظا على تركيز اللاعبين وكذلك باش ما يخليش بعض التقنيين يتجسسوا عليه.
لكن من واجب على عموتة يعقد ندوة صحافية ويسمح للمصورين باخد صور اللاعبين ل15 دقيقة فقط، حسب القانون، ومن بعد ينسحبوا.