عموتة: بانون غايمشي معانا للجزائر…موقوف مع الرجا ماشي مع المنتخب

الحسين عموتة، مدرب المنتخب المحلي عيط لبدر بانون، مدافع الرجا، واخا هاد اللاعب مشا من المنتخب الاول، بسبب الإصابة.
وفاجأ عموتة المتتبعين الرياضيين باستدعاء لاعب موقوف من طرف الرجا والجامعة على خلفية شريط الفيديو لي بان فيه بانون كيحري على ياسين الحواصلي، حارس نهضة الزمامرة باش يضربو.
عموتة رد على الصحافيين في الندوة الصحافية بعد مباراة بوركينافاسو، بانون موقف مع الرجا ما شي مع المنتخب.
وأضاف المدرب عموتة “اوزايدون حنا بدينا كنشتغل معاه على المستوى الذهني. بغيناه يكون معنا فالماتش ديال الجزائر”.
واعتبر عموتة أن مباراتي النيجر وبوركينافاسو مهمتان بزاف، لأنهما مكناتو باش يعرف مستوى جميع اللاعبين وكال أنه كون فكرة على ملامح التشكيلة، لي غادي يلعب بها أمام الجزائر.
عموتة، لي عيناتو الجامعة مدرب المحليين قبل 20 يوم، أكد أن الهدف ديالو هو تكوين اللاعبين للمنتخب الأول على المدى القصير
وبخصوص مباراة الجزائر، أوضح عموتة أنه كيعرف منتخب الجزائر مزيان وماباغيش يكشف على وراقو دابا.