حكم بوتسواني غادي يصفر فالماتش ديال المغرب والجزائر واللعابة ديال الرجا جاو كاملين

الاتحاد الإفريقي لكرة القدم عين الحكم البوتسواني جوشوا بوندو، باش يصفر في فالماتش ديال المنتخب المحلي ونظيره الجزائري السبت جاي بملعب مصطفى الشاكر في البليدة، ضمن ذهاب الإقصائيات كأس إفريقيا للمحليين.
هاد الحكم غادي يساعدو حكمين من بلادو، هما سادراك مارينغولا وسورة فاتسوان.
المنتخب المحلي بدا فالاستعدادات لهاد الماتش من الاثنين الماضي وغادي يسافر غدا فطيارة عادية من مطار محمد الخامس في الدار البيضاء..
اللعابة ديال الرجاء التحقوا بتجمع المنتخب المحلي فالرباط، بعدما ريحهوم المدرب الحسين 24 ساعة، بعد العودة ديالهم من مصر نهار الأحد، لحقاش شاركوا فالماتش ديال النصر الليبي ضمن مسابقة كأس عصبة الأبطال الإفريقية.
اللعاب لي التحقوا متأخرين بترخيص من المدرب عموتة، هم سفيان رحيمي وزكرياء الوردي وأيوب نناح وبدر بانون ومحمود بنحليب والحارس أنس الزنيتي وحميد أحداد.
المنتخب المحلي دار 2 ماتشات في مراكش أمام النيجر وبوركينافاسو وربحهوم بجوج.