الماتش ديال الجزائر قرب…منتخب عموتة غادي يدخل كونصونطراسيون فالرباط والخميس يسافر

المنتخب المحلي غادي يدخل كونصونراسيون فالرباط غدا (الاثنين)، باش يستعد للماتش ديال الجزائر، لي غادي يكون نهار السبت المقبل بملعب مصطفى الشاكر في البليدة، ضمن التصفيات الإقصائيات الإفريقية، المؤهلة إلى نهائيات كأس إفريقيا بإثيوبيا 2020.
عموتة عيط ل24 لعاب، باش يدخلوا الكونصونتراسيون، ويلعبوا الماتش نهار السبت.
اللعابة غادي يدربو 4 ديال المرات في لانيكس ديال ملعب المجمع الرياضي الأمير مولاي عبد الله، وغادي يعتمد فيها عموتة على تمارين تقنية وتكتيكية باش يقدر يرجع بنتيجة إيجابية من الجزائر.
كل اللعابة واجدين لهاد الماتش، في الوقت لي التقرير الطبي للطبيب عبد الرزاق هفتي حرم المدافع الرجاوي من الحضور مع المنتخب المحلي، ومع ذلك أكد عموتة ان هاد اللعاب يقدر يلتحق بالتجمع التدريبي إلا برا.
المنتخب المحلي غادي يسافر نهار الخميس للجزائر، وغادي يدرب في ملعب مصطفى الشاكر فالبليدة، قبل ما يلعب الماتش ديال الذهاب.
المنتخب المحلي ربح 2 الماتشات أميكال أمام النيجر وبوركينافاسو وربحهوم بجوج في مراكش.