هاشكون لي غايطير من الجامعة ولقجع باغي الزيات

فوزي لقطع، رئيس الجامعة، باغي يدير تغييرات فالجمع العام ديال 16 شتنبر الجاري بقصر المؤتمرات في الصخيرات.
هادشي كان معروف شحال هادي، لحقاش بعض المسؤولين مبقات عندهوم حتى مسؤولية فالفراقي ديالهم، لكن لقجع ما باغي يتساهل مع حتا واحد عوال يدير القانون
هاد الجمع العام غادي يتعلن فيه على إبعاد بعض الأعضاء من المكتب المديري للحامعة، مصادر “كود”أكدت أن محمد عدال غادي يكون أول المكرعين، بسبب اعتقاله من طرف الشرطة القضائية في الفترة الأخيرة وإحالته على وكيل الملك في قضية جرائم مالية، وما بقا ما عندو ما يدار بالجامعة بعد هاد الشوهة، ثم عبد المالك ايرون حتا هو ماغديش يبقا، لحاقش ما عندو حتا مسؤولية بالمغرب التطوان، الفريق لي كان كيترأسو قبل ما يجي الجامعة.
وعضو اخر غادي يمشي هو إسماعيل الزيتوني، لي غاضب عليه لقجع منذ كأس إفريقيا بمصر ومابقاش كيتسوق ليه.
وربما أعضاء آخرين غادي يمشيو ويدخلوا أخرين من بينهم جواد الزيات، لي باغيه لقجع يدخل الجامعة، ووحدين أخرين حتا هما يقدر يكونوا بحال عبد السلام بلقشور، رئيس نهضة الزمامرة. هاد التغييرات لا بد منها في هاد الظرف، باش تكون الإضافة.