اللا اللا ما ديريهاش. نيكي ميناج قررات تعتازل

گاليك نيكي ميناج قررات الاعتزال. نجمة الراب بررات هاد الشي باللي باغية “تكون فاميليا”.
ميناج كتبات فحسابها “قررت نعتازل. باغية نكون اسرة”. الصحف والقنوات المهتمة بالنجوم ربطو بين هاد الاعتزال وبين خبر انها حامل.
المغنية الاميركية كانت قالت باللي كتخطط تتزوج من صاحبها كينيث بيتي.
المغنية معروفة بجرأتها الكبيرة فالبوماتها اللي حققات نجاجات كبيرة. غير عدد متابعيها فتويتر واصل ل20 مليون شخص.
النجمة ما رضاتش دير حفلة فالسعودية بلاد ما كيحتارم لا مثليين لا عيالات.