خاص. ها شروط البي بي اس باش يستمر فحكومة بنعرفة: غير هاد الشي ولا نمشيو فحالنا

كاينين احزاب باغية تجري على التقدم والاشتراكية من الائتلاف الحكومي. صحاب بنعرفة ما كرهوش يسدو بالمرة قوس عبد الاله بنكيران رئيس الحكومة السابق اللي كان حزب البي بي اس اهم حليف لو٬ والاتحاد الاشتراكي باغي يبقى بوحدو “حزب تقدمي”. ادريس لشكر عارف باللي نبيل بنعبد الله مغطي عليه ومخليه فالصف اللوراني.
وفق قيادي فالحزب ل”كود” فان هاد الشي ديال التخطيط يخرجوهم من الحكومة ما مسوقينش ليه. سواء كان او غير كيزايدو بيه. المصدر قال ل”كود” “واش حنا شايطين. راه ايلى ما كانش عرض مقنع سياسيا. فيه وضوح فتوجه الحكومة فالاصلاحات راه حنا ما غادينش نبقاو فالحكومة”.
المصدر اكد ل”كود” باللي المناصب وعدد الحقائب الوزارية ماشي اولوية دابا فهاد اللحظة وباللي لكل مقام مقال.