فضيحة كبيرة.. الكاتب العام لوزارة الصحة هرب بعد حادثة سقوط فتاة من الطبق الثاني ف اوطيل ف اكادير وكان معها فيه

بعد الخبر للي انفردت به كود بخصوص وقوع حادثة غريبة ف اوطيل معروف ب اكادير، توصلت “كود” بمعطيات حصرية كتقول بلي الكاتب العام لوزارة كان بطل ديال هاد الحادثة لي راحت ضحيتها فتاة لي طاحت من الطابق الثاني فداك الفندق.
وقال مصدر مطلع إن المعني بالحادثة لي هو الكاتب العام لوزارة الصحة هشام نجمي هرب ومزال كيقلبو عليه وغالبا تشد.
الحادثة وقعت صباح يوم الجمعة 23 غشت، الابحاث الامنية مستمرة.
حالة الفتاة مزال غير معروفة، كانت ف عملية جراحية دقيقة.
البروفيسور المعروف نجمي وسبق دخل في شجار عنيف مع فتاة في لوطيل، لي حجزت غرفة حداه ودابزو.
الفتاة متواجدة ف قسم المستعجلات بالمستشفى الجهوي الحسن الثاني بأكادير.
الحادثة الغريبة وقعات بعد الهجوم على بواط ف اكادير، وهادشي جا بعد اسابيع مور ما صيفط عبد اللطيف الحموشي المدير العام للأمن الوطني فرقة خاص باش تنقي سوس.
أكادير مدينة سياحية، بحال هاد الحوادث كتضر بصورتها.. دبا كاين استنفار أمني باش يجبدو علاقة هاد المسؤول فوزارة الصحة بالضحية.