العافية كلات طُوبِيسْ فمراكش وها كيفاش نجاو الرّكاب من الموت -فيديو

عاشت ساكنة شارع علال الفاسي في عاصمة النخيل مراكش، مساء أمس الخميس، حالة من الرعب والهلع، بعدما اندلع حريق مهول أتى على حافلة للنقل الحضري تابعة لشركة “ألزا” .
وفي الوقت الذي تؤكد فيه مصادر من الشركة أن الأسباب ديال الحادث يعود إلى تماس كهربائي، قالت مصادر محلية، ل”كود”، أن داك الحافلة متهالكة جدا ودخلات للكراج ديال الشركة في أكثر من مناسبة، مشيرة إلى أن عدد من الحافلات ديال هاد الشركة الصبليونية متهالكة ..
هاد الحافلة رقم 7 كما أكدت مصادرنا كانت هازة الركاب بزايد. لكن السائق مني شاف العافية خرّج الركاب بالزربة خوفا من وقوع شي كارثة كبيرة. دبا البوليس دارو تحقيق باش يعرفو الأسباب ديال الحادث اللي غادي يقدر وقع يلا متقادش المشكل ديال النقل الحضري فمراكش.