خطاب عيد العرش زلزل الحكومة: وزراء تحرمو من الكُونْجِي ديالهوم وكولشي كيعاين شكون جاية فيه الدقة

الخطاب الملكي بمناسبة الذكرى ال20 لتربع الملك محمد السادس على العرش زلزل الحكومة التي يقودها سعد الدين العثماني. الملك فخطابو كان واضح مع الشعب ومع الحكومة. عدد من السياسيين والمحللين اعتبرو ان هاد الخطاب فيه مرحلة جديدة وتاريخية فالبلاد.
وكاين وزراء اللي شداهوم الخلعة ويتحسسون رؤوسهم. مصدر مطلع قال ل”كود” أن عدد منهم ماغاديش يدوز الكونجي ديالو اللّي من المفروض غادي يبدا بعد عيد الأضحى الذي تفصلنا عنه أيام قليلة.
وتعمُّ حالة من الترقب في صفوف مسؤولين حكوميين بعد خطاب الملك محمد السادس بمناسبة عيد العرش.
الملك قال بصريح العبارة أنه بغا كفاءات تكون فالمناصب الحكومية، وباين كيقصد المناصب العليا وحتى داخل الحكومة.