مريم باكوش ماعاجبهاش هاد المعاطية والمعيور لي نايضين ف الانتررنت: كتضحكو فينا البراني

الممثلة مريم باكوش عبرات على الكعية ديالها من المعاطيات بين الفنانات في مواقع التواصل الاجتماعي وشبهات هادشي لي واقع بالمضاربة بالقباب في الحمامات (واخا هو تشبيه ميزوجيني محض)، وطلبات منهم يتكالماو حيت هادشي كيدير الضحك فيهم مع البراني.
وكتبات مريم في خاصية الستوري على انستگرام ديالها: “عيب راه كيتبعكم البراني. كبرو شوية راكم طلعتو لينا في صحتنا. والله الا هزلت حتى بان من هزلها أن كلشي مفلس”.
ومن الويكاند انتشر في الانترنت قضية عادل الميلودي مع ولادو، وقضية المعاطية بين سيمو بنبشير مع دنيا باطمة، والجدل ديال سعيدة شرف مع حساب حمزة مون بيبي، وقبل اليوتوبوز اسماء بيوتي مع نسابها.