عادل إيشبي مصدوم. خسر الفلوس في الكليب وفالأخير مادخلش للطوندونس المغربي فاليوتوب!

المغني عادل إيشبي معجبوش الحال أن الأغنية ديالو الجديدة “سمعي” متشافتش مزيان ومدخلاتش للطوندونس، ومفاتش 200 ألف مشاهدة في يوماين.
ولد مراكش لي فرتكها مع كَروب “the 5 ” كان معول يدير البوز بالأغنية خصوصا بالستيل لي دار بحال سعد لمجرد.
التبركيكة لي جابت “كود” هي ان الفيديو كليب لي تصور في مراكش والنواحي مخسورة فيه 20 مليون داخل فيها الماتريال والعارضات وزيد وزيد، ولكن المغني محط منها والو حيت كاينين شركات لي مآنفيستين فيه باش يطلعوه.
دابا صدمة ليكيب كاملة كبيرة ومازالين كيحاولو يلقاو تخريجة باش الخدمة ماتضربش ليهم في الزيرو.