شميشة ترد بطريقتها على منشط اذاعي احتقر العيالات

[email protected]
الصحافي في راديو “مارس” عادل العوماري دايزة عليه محنة هاد الأيام لكن هو اللّي قلب عليها لراسو بعدما أهان إحدى المستعمات على المباشر، وقاليها بأسلوب ميزوجيني: “وا بنت الحاج. سيري طيبي. سيري تفرجي فشوميشة، وبعدي من كورة وبعدي من المنتخب”.
الطباخة المتألقة “شُمِيشَة” اللي تجبدات فهاد التخربيق اللّي دار عادل العوماري ردات عليه بطريقتها الخاصة. مقدمة برنامج “شهويات شميشة” نشرت تدوينة على صفحتها الخاصة بموقع التواصل الاجتماعي “تويتر”، وأرفقتها بصورة مع سميرة سيطايل مديرة الأخبار فالقناة الثانية والبطلة العالمية السابقة نوال المتوكل.
وقالت شُمِيشَة فهاد التدوينة: “باش ننساو الخسارة ديال المنتخب المغربي فالمنافسات ديال الكان وحقاش حنا عيالات لا نجيد غير الطبخ وهاني معا صحاباتي حدا المشواة ديال اللّحم”.