أخنوش كيآمن بالتكنولوجيا ومتابع للتحولات فهاد المجال… Les GAFA عندهم تأثير علينا وخاصنا نستثمروا الابتكار الجديد باش نتغلبو على البطالة

أخنوش باين عليه متبع آخر صيحات التكنولوجيا العالمية، هادشي بان خلال الكلمة ديالو فلقاء مع المهندسين فطنجة اليوم السبت، واللي شارك فيه 1100 مهندس ومهندسة تجمعية
رئيس التجمع فالكلمة ديالو قال بأن في نهاية الأسبوع اللي فات، في ديسلدورف وفرانكفرت، تلاقا مهندسين تجمعيين، كيشغلو المئات من المهندسين والدكاترة الألمان، وهذا دليل على تفوق المغاربة وقدرتهم على الإبداع.
أخنوش أشار إلى أنه ضروري نعرفو نوظفوا التكنولوجيا، لأنها ضرورية باش نلقاو حلول كثيرة لمشاكل التشغيل في صفوف النساء والشباب، وزاد باللي Les GAFA ( غوغل، أبل، فايسبوك، أمازون) عندهم تأثير علينا، على المجتمع ديالنا، على المقاولات المغربية، أو حتى على طريقة التفكير و العمل ديالنا ومن الضروري نتأقلموا معا هاد الوضع الجديد فالإقتصاد العالمي، وفي نفس الوقت، من الضروري باش نحميو النسيج الوطني من الآثار اللي تقدر تخلفها.
أخنوش تساءل علاش مثلا بالنسبة للتجاراللي العدد ديالهم 700.000 تاجر اليوم في المغرب. ميطوروش العرض ديالهم اليوم، ويستخدموا تقنيات بحال last-mile-delivery اللي ولات عندها أهمية قصوى اليوم.