عاجل. الاسود ربحو وناميبي ماركا على راسو

سجل مدافع نامبيا هدفا ضد مرماه ليتقدم المغرب بهدف لصفر.
وفي الشوط الثاني من مباراة المناخب بملعب السلام بالقاهرة ضد نامبيا في اول مواجهة للمغرب بكأس افريقيا للأمم المقامة حاليا بمصر، ضغط الاسود، وفي البداية كانت اخطر محاولة فالدقيقة 46 بعدها استمر الضغط فجاءت كرة لزياش فالدقيقة 52 شدها الگول الناميبي. بعدها بدقيقتين كانت محاولة ثانية لزياش.
ضغط الاسود تزاد بقذيفة لحكيمي فالدقيقة 56، ورونار حس بالگول قريب، خرج بنريعة ودخل المهاجم بوفال.
بوفال ما تعطلش وضرب كورة زوينة فالدقيقة 60 شدها الحارس، بعدها نعس الماتش، رونار خرج ايت ناصر ودخل الأحمدي فالدقيقة 69، ورجع الروح للماتش شوية بعد محاولة مزيانة لزياش فالدقيقة 72.
وفالدقيقة 78 تم تغيير النصيري ببوطيب تغيير قلق الجمهور اللي صفر عليه وفنفس الدقيقة دار بوفال محاولة مزيانة.